【吹水的最高境界】
我以為自己既吹水能力已經好高，但我覺得羅馬尼亞人簡直係俵俵者！
從Brasov搭火車去Timisoara要成十個鐘，坐坐下突然有對老情侶坐左入黎同一個包廂，不斷地卿卿我我，細聲講大聲笑，加上個包廂堅係好焗，所以我就行出去火車既走廊吹吹風，睇下風景。
點知隔左陣包廂入面另外一位羅馬尼亞女子都頂唔順佢地，走埋出黎。
其實之前都聽過位羅馬尼亞朋友講過，佢地真係好鍾意吹水，即使唔識都好，搭巴士、火車呀，見到有岩話題都會搭下訕。
可能個個羅馬尼亞女子都知道我係無眼睇個對老情侶，就開始嘰哩咕嚕咁同我講野，問題係原來佢一句英文都唔識講。
但基於禮貌，我都不停點頭，oh ar ha，yeah，做下D body language，嘗試俾唔同反應佢。唔知佢以為我真係聽得明定佢真係好鍾意吹水，就咁樣佢就同我講左成半個幾鐘我一D都唔明既說話。
最後佢比我更早落車，仲好好笑容咁同我講再見。
我係真心佩服佢的。
Blog: http://backpackersopoor.blogspot.hk/
Search